කදු තරණය වගේම පා තරණය ලොව වටා සංචාරකයින්ගේ ප‍්‍රියතම සංචාරක විනෝද කටයුත්තක් .මේක තාරුණ්‍යයේම කොටසක් වගේ.පරිසරයේ සුන්දරත්වය විඳිමින් යාළුවොත් එක්ක සතුට, කෙළිකවටකම් විවිධ අකරතැබ්බවලට මුහුණ දෙන්න පුළුවන් ත‍්‍රාසජනක අත්දැකීමක්.මේ කියන්න යන්නෙත් සුන්දර වූ සංචාරයක් ගැනයි.ඒ යකාගේ පඩිපෙළ තරණයයි.එහෙමත් නැත්නම් Devil`s Staircase ගැනයි.

 ත‍්‍රාසය,කුතුහලය,සුන්දරත්වය විඳගැනීමේ අදහසින් කැලණි කැම්පස් එකේ පරිසරයට ආදරය කරන යාළුවෝ කට්ටියත් එක්ක කොළඹ කොටුවෙන් බදුල්ල බලා යන නයිට් මේල් ටේ‍්‍රන් එකේ ඔහිය බලා ගමන ආරම්භ කරපු අපිට උදේ 5 . 30 විතර වෙනකොට ඔහිය දුම්රිය ස්ථානයට එන්න හැකි වුණා.යකාගේ පඩිපෙළ ඔහිය සිට උඩවේරිය තේ වත්ත හරහා කළුපහන නගරය වෙත ගමන් කළ හැකි කිලෝ මීටර් 23 පමණ දුරක් විහිදෙන මාර්ගයකි.මාර්ගය වැටී ඇත්තේ තේ වතු මැදින්.සුදු පාලන සමයේ තේ වතුවල නිෂ්පාදන නගරයට ගෙන එන්නටයි මේ මාර්ගය නිර්මාණය කරලා තියෙන්නේ.මහා දුර්ගයක් හරහා සර්පයෙක් ඇදෙන ආකාරයෙන් මේ මාර්ගය නිර්මාණය කරලා තියෙන්නේ.මේ මාර්ගයට යොදලා තියෙන නමින්ම මෙහි ත‍්‍රාසජනක  බව අපේ සිත් තුළට නිරායාසයෙන්ම පිවිසෙනවා. 

  

 ඒ බියසුළු බව තුළ තියෙන සුන්දරත්වයනම් කියා නිම කිරීමට නොහැකියි.දුෂ්කර මාර්ගයක වුනත් පයින්ම ගමන් කරපු අපිට මෙසිරිලක සැබෑ සුන්දරත්වය දැක ගැනීමට හැකි වුණා.ඈත ක්ෂිතජය දක්වා පෙනෙන අයස්කාන්ත දසුනින් අපි මොහොතකට වශීකෘත වුණා.මොහොතින් මොහොත පරිසරයේ සුන්දරත්වය දෙගුණ තෙගුණ කරමින් මීදුමෙන් වැසී යන පරිසරය අපේ විඩාබව දුරු කිරීමට සමත් වුණා.පරිසරයේ දර්ශනීය දසුන් රැුසක් අපේ කැමරා කාච වලට හසුවෙද්දී පා සටහන් විතරක් පරිසරයේ ඉතුරු කරමින් අපි තවත් ඉදිරියට ගමන් කළා.දවල් වෙද්දී බඩගින්නනම් ටිකක් වැඩි වෙන්න ගත්ත හින්දා මඟ නතර වෙලා පාන් එක්ක සීනී සම්බොල වලින් සප්පායම් වෙලා පොඩි විවේකයක් ගත්තා.මේ ගමනේදී සුන්දර දිය දහරා ගලා හැලෙන දිය ඇළි කොමළියන් කිහිපයක්ම අපට දැක ගැනීමට හැකි වුණා.

දිය ඇළි අසලට ගියාම දුහුල් සේලයක් වගේ දිය ඇල්ලේ සිහින් දිය දහරාව පහළට වැටෙන ආකාරය ලංකා ඇල්ලේ වගේම බඹර කන්ද දිය ඇල්ලේ ද දැක ගැනීමට හැකි වුණා.දියෙහි සීතල හා සිරි සිරි හඬ අපේ නෙත් සිත් පින වීමට සමත් වුණා. ලංකා ඇල්ල පසුකර ඉදිරියට යන කොට තේ වගාබිම් වගේම එළවලූ වගා කරන වතුකර දෙමළ ජනයාගේ ලැයිම් ඇතුළත් ජනාවාස කිහිපයක්ද හමු වුණා.


එහි වෙසෙන කුඩා ළමුන් අපි විදේශිකයන්යැයි සිතාගෙනදෝ හෙලෝ හෙලෝ යැයි මහ හඬින් කෑ ගසන්නටත් බිස්කට් ඉල්ලන්නටත් සෙල්ෆි සෙල්ෆි කියමින් ඔවුන් සමඟ ඡුායාරූපයකට ආරාධනා කරන්නට වුණා.ඒ පුංචි පැටව්න්ගේ අහිංසක ඉල්ලීම් ඉටු කරමින් ඔවුන් සමඟ ඡුායාරූප කිහිපයක් ගැනීමට අමතක කළේ නෑ.

හෙමින් හෙමින් අපි කලූපහනට පැමිනෙණ විට හාත්පසින් අඳුර වැටී එමින් තිබුණා.නොසිතූ මොහොතක ඇඳ හැලූණු ධාරානිපාත වර්ෂාව අපේ ගමනට බාධාවක් වුනත් අලූත් අත්දැකීමක් ලබා ගැනීම්ට  හැකි වුණා.වැස්සත් සමඟ කකුලේ එල්ලූණ කූඩැල්ලන් අපේ ගතට පිළිකුළක් ඇති කරා.අපි ආපසු බස් එකේ හපුතලේට ඇවිත් නයිට් මේල් ටේ‍්‍රන් එකෙන්ම ආපසු කොළඹ බලා පිටත් වුණේ යකාගේ පඩිපෙළ ගමනේ සුන්දර මතකයන් රැසක්ම සිතෙහි නිදන් කර ගනිමිනුයි.  

ඉතිං ඒ මතකයන් වලින් මගේ කැමරා කාචයේ සදහන් වුන යකාගේ පඩිපෙළේ සුන්දර ඡායාරූප  එකතුව මේ  Link එකෙන් බලන්න පුලුවන්.

https://www.facebook.com/pg/janithclicks/photos/?tab=album&album_id=1752278874849680

https://www.facebook.com/pg/janithclicks/photos/?tab=album&album_id=1666178103459758